Хрватска од денеска претседава со Советот на Европа

Хрватска од денеска го презема преседавањето со Советот на Европа, првпат откако стана негова членка пред 22 години.

Светските агенции коментираат дека тоа се случува во истата седмица кога најстарата организација во Европа во соопштение го критикува Загреб за говор на омраза против Србите, претставниците на ЛГБТ заедницата и Ромите.

Хрватска го презема претседателството од Данска, а по шест месеци ќе го отстапи на Финска.

Во моментов Советот на Европа има 47 членки – сите земји во Европа со исклучок на Белорусија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.