Мијата за новиот сингл: Инспирацијата за „Домаќинска“ ја добив додека виткав сарми со свекрвата

После подолга музичка апстиненција, Мијата во понеделникот го промовираше видеото за новата тема „Домаќинска“ чии стихови ги потпишува самата таа. Станува збор за песна со интересна тема која ќе прерасне во модерна домаќинска химна, а инспирацијата за истата пејачката ја добила додека виткала сарми.

– Моето семејство ја слави Пресвета Богородица Пречиста и секоја година традиционално со свекрвата виткаме сарми, а напомош ни доаѓаат и пријателки за да ја завршиме работата побрзо. Така беше и годинава, и додека виткавме меѓу себе постарите зборуваа за тоа како било во нивно време и што се работеле жените по дома, од штиркање, па до пеглање на долна облека и везење. Бев во шок додека го слушав тоа и во истиот тој момент добив инспирација за да напишам песна, откри Мијата на промоцијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.