Меланија Трамп излезе од операциона сала, еве ги деталите

Првата дама на САД Меланија Трамп вчера беше примена во болница, каде што и беше извршена операција на бубрег, а ја посети нејзиниот сопруг, американскиот претседател Доналд Трамп.

– Ова утро (понеделник), првата дама Меланија Трамп беше подложена на постапка за емболизација за лечење на бенигна бубрежна болеста. Процедурата беше успешна и немаше компликации, изјави портпаролката на првата дама, Стефани Гришам.

Heading over to Walter Reed Medical Center to see our great First Lady, Melania. Successful procedure, she is in good spirits. Thank you to all of the well-wishers!

— Donald J. Trump (@realDonaldTrump) May 14, 2018

Меланија Трамп (48) била примена во Националниот воен медицински центар „Волтер Рид” и веројатно ќе остане таму до крајот на оваа недела.

Според Си-Ен-Ен, нејзиниот сопруг, американскиот претседател Доналд Трамп, бил во Белата куќа за време на операцијата.

Тој со хеликоптер бил да ја посети својата сопруга во воено-медицински центар, а на Твитер објави дека Меланија е добро расположена.

– На пат кон медицинскиот центар „Волтер Рид “, за да ја видам нашата прекрасна прва дама, Меланија. Успешна процедура, таа е добро расположена. Благодарам на сите за добрите желби, порача Трамп.

Белата Куќа не објави детали за здравствената состојба на првата жена. Два неименувани уролози изјавија дека не се запознаени со состојбата на Меланија, но, веруваат дека најверојатното објаснувањето за интервенцијата е тип на бениген бубрежен тумор, познат како ангиомиолипом.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.