Симфониски концерт „Север и југ“со руско-германскиот пијанист Евгениј Судбин

Македонската филхармонија вечер од 20 часот ќе одржи симфониски концерт „Север и југ“, на кој како солист ќе настапи руско-германскиот пијанист Евгениј Судбин. На концертот ќе биде промовирано и новото концертно пијано од марката „Стенвеј“, кое на Филхармонијата и го донираше компанијата „Страбаг“.

Славниот пијанист Судбин за македонската публика ќе го изведе популарниот Концерт за пијано и оркестар во а-мол од Едвард Григ. Според „Телеграф“, Евгениј Судбин е „потенцијално еден од најголемите пијанисти на 21 век“, а според „Индипендент“, тој е „пијанист со невообичаена чувствителност и префинетост“.

Диригент на концертот е врвниот Даниел Рајскин, а оваа вечер ќе бидат изведени уште три впечатливи дела – увертирата „Маскарада“ од Карл Нилсен, „Процесија до Росио“ од Хоакин Турина и свитата „Шпанска рапсодија“ од Морис Равел.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.