Кривична за скопјанец: Украл „Пасат“ на Партизанска, па го уценувал газдата дека ќе го расклопи ако не му даде 2 000 евра

Кривична пријава за триесет и осумгодишен скопјанец, крадец на возило за кое подоцна уценувал дека ќе го расклопи на делови доколку сопственикот не му даде 2.000 евра.

Како што соопштија од МВР, СВР – Скопје, до Основното јавно обвинителство Скопје поднесе кривична пријава против В.П. поради постоење основи на сомнение дека сторил кривични дела „тешка кражба“.

На 5 јануари годинава околу 16 часот на бул. „Партизански одреди“ во Скопје пријавениот одзел патничко возило „Фолксваген Пасат“ со скопски регистарски ознаки, сопственост на З.Ц. (50) од Скопје, по што заминал во непознат правец. Потоа, за истото возило, со закана дека ќе го расклопи на делови доколку не му бидат дадени 2.000 евра, го принудил оштетениот да ги плати парите за да си го поврати украденото возило.

На 8 јануари, три дена по кражбата, З.Ц. заедно со неговиот пријател М.Р. (45) од Скопје се сретнале со пријавениот, кој откако ги добил парите им кажал дека возилото ќе било донесено кај слаткарница во Стопански Двор. По преземени мерки и активности, од страна на МВР, на 15 фервруари 2018 година во полициска станица во Скопје, во присуство на Јавен обвинител, било извршено препознавање на пријавениот.

(фото – илустрација)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.