Отиде и капитенот: Стојанче Стоилов летово го напушта Вардар?

Изгледаше дека листата на „мигранти“ од машкиот клуб на Вардар заврши со Македа и Кањелјас, арно ама не било така. Најновата информација вели дека си оди и капитенот Стојанче Стоилов, уште ова лето, јавува Спорт1.

Капитенот на Вардар, Стојанче Стоилов, имал понуди од двата полски гиганта, но следната негова дестинација, неофицијално, ќе биде клубот кој владеше со Европа пред Вардар, полскиот гигант Кјелце. Тимот на Талант Душебаев го има еден од топ-3 пивоти во светот, Хулен Агинагалде, меѓутоа малку е „тенок“ со поддршката за него.

За овој трансфер веќе неофицијално се пишувало и во Полска. Пивотот на Вардар, наводно, имал понуди и од Висла, која за следната сезона го обезбеди и Ренато Сулиќ.

Ако се оствари и овој трнасфер, Стоилов ќе биде осмиот вардарец кој ќе го напушти тимот по завршувањето на оваа сезона по Циндриќ, Штербик, Македа, Кањелјас, Марсениќ, Абутовиќ и тренерот Раул. Пивотот дојде во Вардар во 2011 година, на свои 24 години, од редовите на Одорхеи, откако претходно пет сезони играше во Металург.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.