Мурињо за Светското во Русија: Шпанија е фаворит, Португалија без Роналдо нема шанси

Фудбалскиот свет со нетрпение го очекува Светското првенство во Русија кое започнува за нешто повеќе од еден месец.

Сезоните скоро во сите фудбалски лиги се пред завршување и вниманието полека се насочува кон Русија. Во интервју за англиските медиумите менаџерот на Манчестер Јунајтед, Жозе Мурињо, изјави дека Шпанија според него е најголемиот фаворит за трофејот.

„Верувам дека Шпанија повторно има голем тим. Способни се за голем подвиг, според мене тоа е селекцијата која е во најдобра форма од сите европски селекции. Ќе видиме што ќе се случи“, изјави Мурињо кој потоа зборуваше за Португалија и значењето на Роналдо за оваа селекција.

„Португалија има интересна екипа. Без Роналдо не би имале никакви шанси за освојување на Мундијалот, но кога го имате него во тимот се е можно. Тука е Аргентина која без Меси е еден просечен тим, но со него се фаворити. Не смееме да го заборавиме и Бразил кој изглеа поспремен од било кога“, изјави Мурињо.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.