Објавени имињата на судиите кои ќе му судат на Вардар во полуфиналето против Монпелје

Европската ракометна федерација ги соопшти имињата на судиските двојки кои ќе ја делат правдата на Ф4 турнирот на Лигата на шампионите кај мажите.

На актуелниот европски шампион Вардар, кој ќе игра против француски Монпелје, ќе му судат Исланѓаните Јонас Елијасон и Антон Палсон.

Судии на вториот полуфинален дуел меѓу ПСЖ и Нант ќе бидат Данците, Мартин Гединг и Мадс Хансен.

Полуфиналните мечеви се закажани за на 26-ти мај во „Ланксес Арена“ во Келн, додека следниот ден е големото финале и борбата за третото место.

Вардар и Монпелје играат од 18:00 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.