Ексградоначалникот на Кочани ѝ доделувал грантови на снаата

Поранешниот градоначалник на општина Кочани, од редовите на ВМРО-ДПМНЕ Ратко Димитровски (62) заработи кривична пријава.
Како што информира полицијата, тој ја злоупотребил функцијата градоначалник и склучувал договори со неговата снаа за грантови што ги доделува прогрмата „Еразмус+“.

Надворешната канцеларија за криминалистички работи Кочани има основи на сомнение за сторени кривични дела „несовесно работење во службата“ и „злоупотреба на службената положба и овластување“.

„На 07.10.2015 година, пријавениот, како градоначалник на Општина Кочани, спротивно на Законот за спречување на судир на интереси, склучил договор со Д.Е., сопруга на неговиот син за грант за проект со повеќе корисници под програма „Еразмус+“, со што и овозможил на Д.Е. да се стекне со противправна имотна корист од 226.630 денари“, соопштува МВР.

На 23 август 2017 година, Димитровски без одлука од Советот на Општина Кочани донел решение за пренос на 510.000 денари, од сметката на Општина Кочани на сметката на „Еразмус+”, со што предизвикал материјална штета на Буџетот на Општина Кочани, за истиот износ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.