Макрон ја нарече сопругата на австралискиот премиер „вкусна“

Францускиот премиер Емануел Макрон направи лапсус и сопругата на австралискиот премиер Луси Турнбул ја нарече „вкусна“.

Макрон за време на заедничка прес-конференција му заблагодари на Турнбул за гостопримството, како и на неговата „вкусна“ сопруга.

– Сакам да ви се заблагодарам за приемот, Вам и на Вашата „вкусна“ сопруга на топлиот дочек – рече Макрон.

Изјавата предизвика многубројни шеги на сметка на Макрон. Објаснувањето се крие најверојатно во погрешната употреба на англискиот јазик бидејќи зборот „вкусен“ (delicious) на француски се преведува и како убав или пријатен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.