Двајца мажи паднале во провалија во струмичко: Едниот се задржал за дрво, другиот итно пренесен на скопските клиники

Двајца мажи се повредени по пад во провалија на трим патеката што води од градот кон манастирот „Свети Илија“. Несреќата се случила доцна попладне вчера, а при падот едниот е полесно повреден, а вториот потешко.

Според очевидци, првиот по падот успеал да се задржи на едно дрво во провалијата на само 4 метри од патеката, а другиот бил во дол длабок 25 метри. На местото настанот интервенирале две екипи на Противпожарната единица на Струмица, кои успеале да ги извлечат настраданите и да ги транспортираат во болницата во Струмица.

Според неофицијални информации, оттаму потешко повредениот е пренесен на лекување во Клиничкиот центар во Скопје. На местото на настанот увид извршиле екипи на СВР Струмица и Основното јавно обвинителство.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.