Од свадба во болница: Затруени сватови во Македонија, меѓу нив и деца

Шеснаесет лица од Штип, меѓу кои и едно дете, се хоспитализирани на Инфективното Одделение во штипската Клиничка болница, откако се затруле од храна.

Станува збор за лица кои биле на три различни свадби, но во истиот угостителски објект. Според лекарите првите пациенти почнале да пристигнуваат минатата недела, по што продолжиле и во текот на наредните денови.

– Во неделата на Инфективното одделение јавени се неколку пациенти со симптоми на повраќање, проливи, малксаност, грчеви во стомакот, а истите се задржани во болницата. Наредните денови, исто така, три до четири пациенти се јавувале на Инфективното одделение со истите симптоми. До вчера нивниот број изнесува 16 пациенти, меѓу нив е и едно дете со истите симптоми и тоа е задржано на одделението, вели Марина Шуманска, портпарол на Клиничка болница-Штип.

Според направените анализи, кај 13 пациенти е констатирано дека причина за симптомите била салмонела.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.