Ахмети му предложил на Заев заеднички кандидат Албанец за претседател на Македонија

Порталот МКД.мк, повикувајќи се на извори од Брисел објавува дека на една од последните средби меѓу Зоран Заев и Али Ахмети, лидерот на ДУИ побарал на наредните претседателски избори СДСМ и ДУИ да излезат со заеднички кандидат за шеф на државата, Албанец, а спикерското место да се врати.

-Од она што може да се дознае од бриселски дипломатски извори, целта на ДУИ овојпат е претседателското место на државата. Го добија претседателското место во Собранието, сега на ред е и позицијата шефот на државата. Ова ДУИ веќе го најави и за време на последните избори за претседател на Македонија, за заеднички кандидат, но тогаш тоа не помина кај нивниот тогашен коалициски кандидат ВМРО-ДПМНЕ, објави порталот.

Овојпат, меѓузависноста во коалицијата СДСМ-ДУИ е многу поголема, па апетитите на Ахмети се вратија.

-Бриселски дипломатски извори велат дека на една од последните средби меѓу Заев и Ахмети, лидерот на ДУИ побарал на наредните претседателски избори СДСМ и ДУИ да излезат со заеднички кандидат за шеф на државата, Албанец, а спикерското место да се врати. Ова треба да е поврзано со засилување на позиционирањето на Албанците во Македонија како втор државотворен народ. А како потврда на ова да дојде и заедничката кандидатура на СДСМ и ДУИ на политичар Албанец за претседател на Република Македонија. Ахмети ова го поврзува со можна подолгорочна поддршка на оваа влада од страна на Албанците и собраниска поддршка на решението за името кое Заев и преговорачкиот тим ќе проценат дека е најсоодветно за македонскиот народ. Лидерот на ДУИ нагласил дека за овој план имал поддршка и од меѓународната заедница, а особено од амбасадорот на САД во Македонија Џес Бејли, пишува МКД.мк.

Целиот текст прочитајте го на МКД.мк

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.