Не можеле да чекаат да сработат, па ги натепале работниците

Во понеделникот, во 14.30 часот во село Долна Матка, скопско, во близина на автобуска постојка кај ХЕЦ „Матка“ каде што се вршеле градежни работи, работниците И.М. (24) и Ш.Н. (33), двајцата од село Цветово, скопско, биле физички нападнати од две непознати лица кои биле со патничко возило „Голф 5“ со скопски регистарски ознаки.

И.М. и Ш.Н. им кажале на лицата во возилото да почекаат малку да завршат со работа па да поминат со возилото, но тие излегле од возилото и физички ги нападнале.
Повредените работници биле префрлени во градската општа болница „Св. Наум Охридски“. Кај И.М. биле констатирани телесни повреди и бил пуштен на домашно лекување, а Ш.Н. бил задржан на понатамошно лекување. Се преземаат мерки за пронаоѓање на сторителите и за целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.