Млад и амбициозен социјалдемократ заработува повеќе и од Заев: Директорот на „Улици и патишта“ се самонагради со 1700 евра плата

Левица објави документ добиен од свиркач, според кој новиот директор на ЈП „Улици и патишта“, си ја покачил платата од 1.000 на над 1.700 евра.

„По дојава од наш „свиркач“ во ЈП Улици и патишта, обзнануваме дека тамошниот ДИРЕКТОР, поставен од новата власт на Град Скопје – господинот Сенад Сенко Смаиловиќ си ја качил сопствената плата од 1.000 ЕУР (колку што заработувал неговиот претходник), на над 1.700 ЕУР!!!
Па така, овој млад и амбициозен социјалдемократ, сега заработува повеќе дури и од премиерот 😉“

Ги замолуваме сите независни и истражувачки новинари, во име на јавниот интерес, да го испитаат овој случај на уште едно недомаќинско работење на новите јавни функционери поставени од СДСМ, а платени со народни пари.
Истовремено, го повикуваме градоначалникот на Град Скопје – Петре Шилегов, по службена должност, итно да го разреши овој аздисан директор!“, објави Левица

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.