Во издание на „Матица македонска“ излезе од печат книгата со раскази „Во рогот на волот“ од Блаже Миневски. Во своето ново прозно остварување познатиот современ македонски писател објавува четириесет раскази, за кои во изминатите десетина години беше добитник на врвни награди на најзначајните конкурси за краток расказ во Македонија. Според поетот и литературен критичар Раде Силјан „станува збор за антологиска книга што влегува во самиот врв на македонската прозна продукција, потврдувајќи го високото книжевно реноме на писателот Блаже Миневски“.
Блеже Миневски (Гевгелија, 1961) е автор на богат раскажувачки и романсиерски опус, високо вреднуван од критиката. Негови дела се преведени на српски, словенечки, бугарски, англиски, италијански, турски, руски и на други јазици. Добитник е на најзначајните книжевни награди во Македонија, меѓу кои „Рациново признание“,”Стале Попов“ и „Роман на годината“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
