Ќе може да ангажира нови фудбалери летово: Сити избегна санкции од ФИФА

Светската фудбалска федерација (ФИФА), нема да го казни Манчестер Сити за повреда на правилата за трансфер на млади фудбалери надвор од Европа.

Како што објави „Скај Спорт“, новиот шампион во Премиер лигата се спаси од санкции и ќе може да учествува на трансфер пазарот и да ангажира нови засилувања.

Претходно, жалба за трансферот на играчот од средниот ред Бенџамин Гар, поднесе клубот Велес Сарсфилд. Сити беше соочен со забрана да учествува во следните два трансфер периоди. Но сепак, ФИФА ја отфрли жалбата на Сарсфилд, бидејќи Гаре има италијански пасош, па поради тоа одлучи дека играчот имал право да го напушти аргентинскиот клуб.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.