Салатата која во саботата ја косумирале фудбалерите на Пелистер во велешкиот хотел била причина за нивното труењето.
Како што информираат од Агенцијата за храна и ветеринарство (АХВ) во неа се најдени бактерии од фекално потекло за што потврдиле резултатите од извршените лабораториски испитувања на земените мостри хран.
Земени се брисеви и од работните површини, како и приборот и опремата и од вработените во кујната и келнерите во хотелот во Велес, каде во саботата поради симптоми на труење со храна беа хоспитализирани 12 лица, фудбалери на ФК Пелистер од Битола.
– Со извршените лабораториски испитувања, утврдено е дека кај земените мостри храна (салати од морков, зелка и цвекло) има присуство на бактерии од фекално потекло – индикатор на фекална контаминација. Испитаните мостри согласно извршените лабораториски испитувања одговараат на микробиолошките критериуми за безбедност на храната, но не и на хигиената на производствениот процес-велат од АХВ.
Според нив кај останатите земени мостри како што е кечап, шпагети, лепче, пилешки стек и бистра супа не се констатирани отстапувања во поглед на безбедносните и хигиенските критериуми за храната.
Исто така со лабораторските испитувања на земените брисеви од работните површини, приборот и опремата која се користела во кујната, не се констатирани отстапувања, што укажува на задоволително ниво на хигиена.
-По извршениот вонреден санитарно – хигиенски преглед кај 34 лица вработени во кујната и келнери во хотелот, сите со уредни санитарни книшки при вонредната инспекциска контрола, кај 7 се изолирани бактерии во нос и грло. Наредено е тие веднаш да бидат отстранети од работа и да почнат со лекување- реагираат од Агенцијата.
Врз основа на дадените наредби од инспекциските служби на Агенцијата, извршена е вонредна дезинфекција на кујната, а во текот на утрешниот ден, од страна на инспекциските служби на Агенцијата, Центарот за јавно здравје и од Санитарно здравствениот инспекторат ќе биде извршен повторен увид и земање на контролни брисеви во кујната на велешкиот хотел која е времено затворена. Таа ќе биде пуштена во употреба по добивање на задоволителен лабораториски наод.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
