Иванов на Евроазиски економски самит во Истанбул

Претседателот на Република Македонија, Ѓорге Иванов престојува во работна посета на Турција каде што ќе учествува на 21. Евроазиски економски самит што ќе се одржи во Истанбул.

Предвидено е претседателот Иванов да има обраќање на свеченото отворање, како и на претседателската сесија на самитот којшто годинава се одржува на тема „Дилемата на нашиот век: Технологија наспроти политика“.

Организатор на Евроазискиот економски форум е фондацијата Мармара – група за политички, економски и општествени истражувања чијашто цел е унапредување на односите меѓу ЕУ и земјите од централна Азија и Блискиот Исток.

Во време на престојот во Турција, претседателот Иванов ќе присуствува и ќе се обрати и на средбата со претставници на Стопанската комора на Македонија и турски бизнисмени. На средбата ќе се обрати и претседателот на Сојузот на стопански комори и берзи на Турција, Рифат Хисарџиклиоглу.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.