Зидан: Не ми се допаѓа тоа што не сметаат за фаворити во ЛШ

На тренерот на Реал Мадрид, Зинедин Зидан, му пречи тоа што неговиот тим го сметаат за прв фаворит за победник на Лигата на шампионите годинава. Добрите игри на „кралскиот клуб“ во елитното натпреварување придонесоа обложувалниците низ цела Европа да го намалат коефициентот за освојување на трофејот.

– Не ми се допаѓа фактот дека сме фаворити во Лигата на шампионите. Треба да размислуваме за натпреварот во среда. За друго не треба да се грижиме. Не ми е гајле што се случило или што доаѓа во иднина. Размислувам само за реваншот со Јувентус, изјави францускиот стручњак.

Реал на 11 април го пречекува Јувентус во реванш четвртфиналната пресметка од ЛШ. На првиот меч во Торино, Реал победи со 3-0.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.