Германското обвинителство се уште не ја знае причината за вчерашниот напад во Минстер

Германското обвинителство се уште не знае зошто 48-годишниот маж вчера прегази луѓе со комбе во западниот германски град Минстер.

Човекот, кој уби две лица и повреди 20, потоа се застрелал во возилото.

– Засега немаме индиции за причините за делото, изјави обвинителот Мартин Боценхарт во заедничка писмена изјава со полицијата.

Властите ги идентификуваа двете жртви како 51-годишна жена и 65-годишен маж.

Според локалните медиуми, сторителот бил Германец кој живеел во Минстер и кој страдал од ментални нарушувања. Полицијата не ги потврдува овие информации.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.