До среда сончево, од крајот на неделава нов влажен бран

Според информациите од УХМР времето до крајот на денот ќе биде умерено облачно.
Во западните и североисточните делови можна е појава на локален дожд. Ќе дува умерен, а ноќеска слаб до умерен ветер од западен правец.

Утре ќе биде сончево со мала до умерена локална облачност и со слаб до умерен северозападен ветер. Максималната дневна температура ќе се движи од 12 до 20 степени.

Во Скопје ќе биде сончево со мала до умерена облачност и со слаб до умерен северозападен ветер. Температурата ќе се движи од 4 до 18 степени.

До среда времето ќе биде претежно сончево, а дневната температура ќе биде во значителен пораст. Нов влажен бран со врнежи од дожд се очекува кон крајот на работната седмица.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.