Шок за Рома: Наинголан ја заврши сезоната?

Играчот за врска на Рома се поврди на денешниот натпревар против Болоња, а во таборот на „волчицата“ стравуваа дека за него сезоната е завршена.

Наинголан го напушти теренот во 15-та минута, а тренерот Ди Франческо после натпреварот изјави дека повредата најверојатно е сериозна.

„Не делува добро. Сите знаеме каков борец е „нинџа“, но не можеше да продолжи. Три пати ми довикнуваше дека сака да остане на теренот, но не можеше да издржи. Можам само да замислам какви болки трпеше. Наликува дека е тешка повреда, ќе видиме што ќе каже лекарскиот тим“, откри Ди Франческо.

Наинголан готово сигурно ќе го пропушти натпреварот против Барселона во среда во Лигата на шампиони.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.