Таравари: Новиот буџет на општина Гостивар ќе предизвика отпуштањa

Градоначалникот на Гостивар, Арбен Таравари предупредува дека општинскиот Буџет кој денеска беше изгласан со поддршка на мнозинството во Советот ќе предизвика отпуштања на вработени во градинките, комуналното претпријатие и противпожарната единица.

Тој смета дека скратувањата кои комисијата за финсисирање ги предложи имаат политички мотиви за да, како што нагласи, општинското раководство во јавноста биде прикажано како неспособно да управува со локалнта самоуправа.

– Изгласан е Буџет со измени со што ќе се попречи работењето на Таравари. Целта на мнозинството во Советот и централната власт е да бидам прикажан како неуспешен, рече Таравари.

Од планираните 12 милиони денари во Програмата за времени вработувања, додаде, по инсистирање на ДУИ и СДСМ направени се измени со скратување на само една четвртина.

– За жал, ова ќе придизвика повеќе отпуштања на негувателки и воспитувачки во градинките, пожарникари и дел од моите соработници. Очекував дека некои од советниците ќе имаат доблест и да бидат на страната на граѓаните, но сепак се покажа дека попуштиле под притисоците. И покрај овие пречки, ќе продолжиме со реализација на планираните проекти, истакна Таравари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.