Интерпелацијата за Талат Џафери е подготвена

Тој ден, таа постапка за Законот за употреба на јазиците беше целосно надвор од правните норми. Претседателот на Собранието беше предупреден од моја страна во процедуралното обраќање на сите правни аспекти, но и покрај тоа тој одлучи да ја тера партиската агенда на ДУИ, а не Уставот на Република Македонија, вели пратеникот од ВМРО – ДПМНЕ, Илија Димовски за Вечер прес.

– За жал, СДСМ немо тоа го одобрија и го прифатија и го поддржаа. Прекршени се најмалку четири члена од Уставот на Република Македонија, прекршени се членови од законот за Собрание, Деловникот што практично се граничи со недозволиво со правниот поредок во Република Македонија. Досега во Собранието имало различни настани и ситуации, но вакво силување на правдата и на Деловникот досега не е забележано. Затоа овој закон може да се смета како недонесен, а интерпелацијата за Талат Џафери е веќе подготвена. Не смее во државата да се дозволи на ваков начин да се донесат правни прописи. Тие се правдаат дека од тоа зависат реформите, јас велам доколку од тоа зависат реформите, тогаш ништо нема да видиме од таквите реформи, вели Димовски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.