Каролина ќе го промовира новиот албум „Извор“ во родната Битола на 27 и 28 март

Македонската поп-дива Каролона Гочева ќе одржи два промотивни концерти на новиот албум „Извор“ во родната Битола.

Концертите ќе се одржат во Домот на културата на 27 и 28 март, со почеток во 20 часот. Исто како и за скопските концерти, концептот ќе биде следен:

Во првиот дел ќе бидат изведени песните од новиот албум на Каролина, додека во вториот дел од концертот ќе бидат изведени најубавите песни од проектот „Македонско девојче“.

Влезниците по цена од 500 денари ќе бидат пуштени во продажба од утре, во 09 часот, преку продажната мрежа на Купи Карти За Се низ цела Македонија и онлајн.

Со секоја купена влезница, следува подарок- луксузно дигипак издание од албумот „Извор“, информираат од „Авалон продукција“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.