Како се одвивало бегството на убиецот на Нешковски

Директорот на Управата за извршување на санкции Јовица Стојановиќ појаснува дека Игор Спасов на неколку часа го напуштил затворот „Идризово“, по што се вратил самиот, во придружба со друго лице.

-Според извештајот кој го имам, чуварите направиле вонредна контрола на полноќ и тогаш утврдиле дека Спасов не е во просторијата. Во 1.40 часот се вратил самиот, во придружба со друго лице, изјавил Стојановиќ.

Тој истакнува дека отсуството на Спасов не се смета за класично бегство, бидејќи тој не го прескокнал ѕидот на затворот „Идризово“, туку за оддалечување од затворот, бидејќи просторијата во која бил сместен се наоѓа надвор од ѕидините на затворот.

Информацијата зошто и кога Спасов бил сместен во ова отворено одделение на затворот треба да ги даде директорот на Идризово, Антонио Димов, но тој е недостапен.

Претседателот на Синдикатот на затворските чувари и администрација на КПУ „Идризово“ Антонио Стојчевски демантира дека осуденикот Спасов избегал од затворот Идризово, па се вратил назад.

Спасов е во самица бидејќи направил инцидент во кругот на затворот, односно го нарушил куќниот ред.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.