Помош за минусни температури: Направете спреј за одмрзнување на стаклата на автомобилот

Одмрзнувањата на стаклото на автомобилот е должност која посакуваме да ја немаме во зима, посебно кога брзаме за на работа.

Тврдиот слој мраз нè тера да ги мразиме ниските температури, а во тие моменти само посакуваме да имаме магично стапче кое топи мраз и ништо повеќе.

Магичното стапче можеби не е реално, но затоа постои рецепт за спреј кој може да ви ја заврши истата работа.

Потребни состојки:
Шише со распрскувач
1dl медицински алкохол (70%)
5-6 капки детергент за садови
4dl топла вода
Постапка:
Во шишето со распрскувач ставете го прво алкохолот, потоа капнете од детергентот и на крај додадете ја топлата вода.

Затворете, протресете и тргнете во акција.

По првото отстранување на мразот, течноста уште некое време ќе го штити стаклото од замрзнување.

црнобело.мк

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.