Пешакот во сообраќајката кај „Капитол“ почина, возачот приведен

Министерството за внатрешни работи денеска излезе со детали за сообраќајната несреќа што се случи вчера кај трговскиот центар „Капитол“ во која загина еден пешак, а возачот на автомобилот избега.

Според МВР, сообраќајката се случила во 14:40 часот на булеварот „Јане Сандански“ кај трговскиот центар „Капитол“ кога возило „пежо“ управувано од 28-годишниот А.Р. удрило во 66-годишниот Н.А кој бил веднаш пренесен во Ургентниот центар каде е констатирана смрт.

Возачот на пежото избегал од местото на настанот, но подоцна припадниците на единицата „Алфи“ го пронашле возилото, а возачот бил приведен во полициската станица во Гази Баба.

Од возачот се земени крв и урина за анализа, а возилото е оденсено на технички преглед.

По наредба на Јавното обвинителство, телото на починатиот е предадено за обдукција

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.