Го нашле во празен стан со пиштол без ознаки: Во Белград уапсен поранешен член на единицата „Тим 6“

Во Белград бил уапсен поранешен припадник на специјалната американска единица „Тим 6“, кои со години го ловеле Осама Бин Ладен, за на крај во 2011 да го ликвидираат. Ова го потврдил и српскиот претседател Вучиќ во своето гостување во телевизијата Хепи, кој додал дека не смее да открие повеќе детали околу тоа.

Американецот Дениел Дејвид Корбет, кој пред неколку дена бил уапсен во Белград, е поранешен маринец и припадник на „Navy Seals“, поточно на специјалната група „Тим 6“ која била задолжена за ликвидација на Бин Ладен. Корбет сега е вработен во компанијата „Рејвен милитари“, чиј сопственик е поранешен асистент на Бил Клинтон. Во Белград тој бил уапсен во празен стан, а во него имал пиштол со избришан сериски борј.

– Оружјето му го обезбедиле српски државјани кои беа уапсени заедно со него. Тој сигурно не бил сам во она за што се спремале. Се уште не се знае неговата задача во Белград, бидејќи откако беа уапсени, никој од групата не сакаше да даде никаков исказ, изјавил за спрски Курир извор од истрагата.

За овој случај со коментар излегол и претседателот Вучиќ, кој истакнал дека одредени фактори не сакаат стабилност во овој регион.

– Замислете да налетата на екс-припадник на „Тим 6“ кој пред неколку години го бркал Бил Ладен низ Авганистан, и тоа со пиштол на кој не може да му се влезе во траг. Покрај тоа со него и да наидете на тешки српски криминалци кои го помагале тука, а сега молчат како да се неми. Сигурно не дошол тука за со тоа оружје да рибари, истакнал Вучиќ и додал дека тешко е да се поверува дека тој дошол во Белград случајно.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.