Жена од Чикаго, која била во кафуле во Париз за време на терористичките напади во 2015 година, ги тужи Твитер, Фејсбук и Гугл, со тврдење дека тие соучествувале во ширувањето на групата Исламска држава, давајќи и пристап до социјалните мрежи.
Весникот „Чикаго Сан-Тајмс“ јави дека Манди Палмучи поднела тужба во Чикаго минатата недела. Во тужбата се наведува дека таа била во кафуле во Париз каде беа убиени повеќе од 12 лица и оти е емотивно повредена.
Во нападите врз кафулето, стадион и концертна сала во Париз загинаа 130 лица, а одговорноста ја презема Исламската држава.
Фејсбук соопшти дека на неговата страница нема место за оние што се занимаваат со тероризам, ниту за содржини кои поддржуваат таква дејност.
Твитер и Гугл не одговориле на барањата на весникот за коментар.
Слични судски тужби беа поднесени и на други места, но беа отфрлени со аргумент дека онлајн провајдерите со закон се ослободени од одговорност за содржините кои ги објавиле нивни корисници.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
