Скопје: Ја претепал поранешната девојка, бидејќи не сакала да имаат секс

Дваесет и пет годишната Е.С. пријавила дека вчера попладне била физички нападната од нејзиното поранешно момче И.А. во скопско Волково.

-Имено додека седеле во возилото на И.А. во еден момент тој почнал да ја удира со тупаници во пределот на главата, телото, грбот и рацете, нанесувајќи и видливи повреди по главата и телото, а потоа И.А. почнал да ја допира по телото, информираат од полицијата.

Од МВР посочуваат дека причина за физичкиот напад е тоа што пријавителката не сакала да има сексуален однос со И.А. бидејќи ја прекинале врската пред две недели.

Настанот е пријавен во Полициска станица Ѓорче Петров и се работи на целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.