Мицкоски: Загрижува состојбата во економијата, девизните резерви се намалени за 110 милиони евра (видео)

Она што загрижува е зголемувањето на задолжувањата, истакнува лидерот на ВМРО-ДПМНЕ, Христијан Мицкоски. Тој вели дека во овој момент имаме нето задолжување откако новата Влада стапи на сцена во Република Македонија, од околу 80 милиони евра.

Вкупното задолжување е 700 милиони евра заедно со девизните резерви и еврообврзницата од јануари.

– Девизните резерви се намалени за 110 милиони евра, што не мора да значи дека се повлечени за поддршка на ликвидноста на буџетот има и други, курсни разлики, отплата на стари долгови како што велат, но факт е дека нето задолжувањето и намалувањето на државните резерви е околу 200 милиони евра. Ако на тоа ја додадете и еврообврзницата која е земена, доаѓаме до една алармантна бројка од 700 милиони евра нето резултантно задолжување која Македонија го има во периодот откако дојде оваа влада до 31-ви јануари, рече Мицкоски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.