Македонија ќе биде носител во баражот за СП 2019

Македонија вчера го заврши настапот на Европското првенство во Хрватска, но уште денес полека ќе треба да му ја мислиме за следниот голем собир, односно СП 2019.

Со финишот на главната фаза, познати се носителите во баражот за Светското првенство кое следната година ќе се игра во Германија и Данска

Носители се првопласираните 9 селекции на континенталниот собир во Хрватска, а Македонија влегува во тој шешир и покрај тоа што заврши на 11. место бидејќи Германија и Данска како домаќини и Франција како актуелен светски шампион ослободуваат три места.

Носители: Шпанија или Шведска, Хрватска, Чешка, Норвешка, Словенија, Белорусија, Македонија, Србија, Исланд

Неносители: Унгарија, Австрија, Црна Гора, Литванија, Холандија, Португалија, Романија, Русија, БиХ или Швајцарија

Ждрепката ќе се одржи во сабота со почеток во 16 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.