Триесет тони смет собран во Кисела Вода

Општина Кисела Вода во акцијата за расчистување на тревните површини, парковите и улиците на својата територија досега собра околу 30 тони смет.

Со оваа акција која продолжи да се одвива и оваа работна недела, беше извршено расчистување на сметот и во месните заедници Припор и Пинтија, каде беше собран околу 4 тони смет. Денеска оваа акција во тек е и во УЗ „Бирарија“.

Со акцијата за расчистување, која започна да се одвива од почетокот на овој месец па се досега, беше извршено целосно расчистување на отпадот во повеќето урбани и месни заедници на територијата на Општина Кисела Вода.

За успешно спроведување на овие акции за расчистување на отпадоците, локалната самоуправа преку Секторот за месна самоуправа и социјална заштита ги вклучи своите сезонски работници. Во истата беше вклучен и еден камион.

Општина Кисела Вода и во иднина ќе продолжи со секојдневни активности за расчистување на својата територија преку кои ќе дава придонес за почиста и поздрава животна средина. Воедно, локалната самоуправа повторно апелира до сите граѓани за совесно однесување и почитување на Законот за Јавна чистота.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.