Четворица повредени во сообраќајка во Скопје

Четири лица се полесно повредени во четири од вкупно осум сообраќајки регистрирани во текот на вчерашниот ден на подрачјето на СВР Скопје. Во четири сообраќајки е причинета материјална штета.

Од МВР информираат дека санкционирани се 31 возач поради возење со поголема брзина од дозволената, тројца возачи кои поминале на црвено светло и шест возачи за неправилно престигнување. Од сообраќај се исклучени и еден возач кој возел под дејство на алкохол, осум возачи пред да се стекнат со правото на управување на моторно возило и двајца возачи почетници, како и девет нерегистрирани возила. Затекнати се и 108 непрописно паркирани возила.

Со помош на специјалното возило пајак, отстранети биле 93 возила.

Во рамки на сообраќајно-воспитниот проект „Сообраќајна култура на децата во предучилишните установи“, денеска ќе се реализира едукативна работилница со децата од средна и голема група во детската градинка „Весели цветови“, објект „Мимоза“ во општина Кисела Вода.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.