Надица Георгиева: „Не сум најубавата жена во Македонија“

Надица Горгиева, поранешен модел, во едно неодамнешно интервју изјавила дека не смета оти е најубавата жена во Македонија иако многумина ѝ го припишуваат тој комплимент.

„Не се доживувам себеси како најубавата жена во Македонија. Отсекогаш сум се негувала, а тоа го правам и денес. Сепак, не користам многу скапи препарати и се трудам моето лице, како и телото, да ги негувам со природни кремови“, рекла таа во интервјуто за „Вечер“.

Поранешната мис на Југославија неколку години е во брак со музичкиот продуцент Иво Јанковски.

„Бракот со Иво е најубавото нешто што ми се случило на љубовен план“, додала таа.

Надица одамна работи во протоколот на скопскиот аеродром „Александар Велики“ и е сопственичка на модната агенција „Моделс ин“, која ја води заедно со моделот Алек Наумовски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.