Уште една промена на Червар пред Норвешка: Се враќа Алиловиќ од трибините

Селекторот на хрватската репрезентација, Лино Червар ја направи четвртата промена во составот на Европското првенство.

За дуелот против Норвешка го врати искусниот голман, Мирко Алиловиќ, кого пред крајот на групната фаза го прати на трибините. Тој ќе биде на местото на Иван Пешиќ.

Хрватска и Червар се под голем притисок, по триумфот над Белорусија, ќе мора да го добијат и дуелот со Норвешка доколку сакаат да се најдат во полуфиналето на континенталното натпреварување, чиј домаќин е токму оваа земја.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.