Во овој град падна црн снег!

Градот Темиртау во централен Казахстан бил прекриен од црн снег. Според пишувањата на социјалните медиуми, снегот изгледа како јаглен.

Посебна група научници, составена од независни еколози и владини експерти, работи на идентификација на примероците.

Темиртау е центар на металуршката индустрија во Казахстан и дом на најголемите фабрики за производство на челик во земјата.

Многу луѓе во градот веруваат дека црниот снег е последица од загадување од овој металуршки комплекс.

Бесните граѓани почнале да собираат потписи за петицијата која ја пратиле до Алија Назарбајева, најмладата ќерка на претседателот Нурсултан Назарбајев, која е директор на Здружението на еколошките организации на Казахстан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.