Јункер: Поставуваме темели за ново проширување на ЕУ

Државите од Западен Балкан заслужуваат перспектива за членство во ЕУ и затоа мора да поставиме темели за ново проширување на Унијата, изјави претседателот на Европската комисија, Жан-Клод Јункер.

– Перспективата за членство што ја заслужуваат земјите од Западен Балкан нема да биде спроведена во пракса за мојот мандат на чело на Европската комисија, но мораме да ги поставиме темелите за тој процес. На тие земји останува да ги спроведат неопходнуте рефоми за да може наскоро и да дојде до членство, нагласи Јункер во интервју за Дојче веле.

Тој при тоа ја пофали Бугарија поради тоа што приближувањето на Западен Балкан кон ЕУ го постави како една од најважните теми на нејзиното претседавање со Унијата во првите шест месеци од оваа година.

-На бугарската Влада треба ди и заблагодариме за важните чекори што веќе ги направи: Самитот за Западен Балкан што ќе се одржи на 17 мај ќе биде важен чекор. Бугарија едноставно е предодредена да ги гради мостовите со земјите од Западен Балкан, затоа што го познава тој регион, културата и јазикот, а и самата успшено мина низ процесот на проширување на ЕУ, нагласи Јункер.

Како што претходно јави МИА, приближувањето на Западен Балкан кон ЕУ беше една од темите и на денешната седница на Европската комисија.

– На својот прв состанок во 2018 година еврокомесарите ги разгледуваат институционалните приоритети за оваа година, година во која треба да бидат спроведени економските и монетарните реформи на Унијата, да се обезбедат границите на ЕУ, да се подобри системот за азил, да се врати Шенгенот, да се комплетира единствениот дигитален пазар и да се приближи Западен Балкан кон ЕУ, се наведува во соопштението по состанокот на европските комесари во седиштето на Комисијата во Брисел.

Во соопштението се истакнува дека од 89 „приоритетни досиеја“, 29 се завршени, а Еврокомисијата сака и останатите да бидат завршени до крајот на мај 2019 година.

Планирано е сите европски комесари в четврток да отпатуваат во Софија, каде в петок ќе разговараат со бугарските официјални претставници за приоритетите на бугарското претседавање со Советот на ЕУ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.