Пратениците на ВМРО-ДПМНЕ не се враќаат во Собрание, претседателот Мицкоски на прес-конференција во 13 часот

Пратеничката група на ВМРО-ДПМНЕ денеска нема да се вклучи во работата на Парламентот. Оваа одлука е донесена на денешниот координативен состанок со партискиот врв што заврши околу 11 часот, јавува МИА.

Од партијата не наведуваат детали зошто тие донесоа ваква одлука, само посочуваат дека претседателот на партијата Христијан Мицковски во 13 часот ќе одржи прес-конференцикја на која таа ќе биде образложена.

Собранието на Република Македонија денеска треба да ја одржи 27. седница на која треба да бидат разгледани предлозите на претседателот Ѓорге Иванов, Осман Кадриу и Дарко Костадиновски да бидат нови уставни судии.

На дневен ред на оваа седница е и Предлог законот за употреба на јазиците. Покрај 27. седница, за денеска се закажани уште пет други, каком и седници на Комисијата за политички систем и Законодавно-правната седница.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.