Откажани летовите за Истанбул, доцнат авионите од Виена

Поради магла на аеродромот „Александар Велики“ во Скопје изутрината се откажани летовите од и за Истанбул, а доцнење од час и половина има на летот од Виена, за каде пак полетувањето треба да се реализира исто така со доцнење од еден час, покажуваат податоците на веб страницата на скопскиот аеродром.

На аеродромот „Св. Апостол Павле“ во Охрид за денеска не се превдидени полетувања и слетувања.

Како што информираат од Автомотосојузот на Македонија (АМСМ), маглата ја намали видливоста на повеќе патишта низ државата. Во Охрид, Струга, Ресен, Кичево, Македонски Брод и Битола видливоста е од 100 до 150 метри, во Куманово 50 до 100 метри, во Тетово 50 до 60 метри, Павлешници 30 до 50 метри, додека во Велес, Катланово-Велес и Отовица-Катланово до 100 метри.

МаглаСпоред Управата за хидрометеоролошки работи (УХМР), до среда ќе се задржи стабилно и суво време со магла по котлините и со појава на умерена до значителна облачност, но позначителна промена проследена со врнежи и северен ветер се очекува од петок преку денот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.