Манасков: Македонија е лимитирана, пласман во вториот круг е успех

Легендата на македонскиот ракомет Пепи Манасков во пресрет на почетокот на Европското првенство во Хрватска, во интервју за „Балкан-хендбал“ ја анализираше селекцијата на Македонија.

„Очекувам поразлична Македонија од Гонзалез во однос на Червар. Бековската линија е подмладена. Талевски и Кузмановски на ова ЕП треба да го покажат својот квалитет. Се уште не се зрели, но напредуваа играјќи за својот клуб. Го имаме искусниот Лазаров на десен бек, позиција каде што постои дефицит, а Кире веќе е во години и прашање е колку ќе може да го издржи темпто. Македонија е лимитирана, нема голем избор што се однесува на бековските позиции. Ќе имаме проблеми, имаме една постава, но не и премногу алтернативи, ќе биде тешко. Ако голманите не бидат на завидно ниво, ќе имаме големи проблеми“, изјави Манасков.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.