Противпожарно возило се излизга од патот кај Кавадарци при интервенција на запалена куќа

Пожар зафатил стара куќа попладнето во петокот во кавадаречкото село Бегниште, а за среќа нема повредени.

Командирот на Територијалната противпожарна единица од Кавадарци Илчо Богевски изјави дека со тројца пожарникари и две противпожарни возила успеале да спречат огнот да се прошири на околните објекти во селото, пренесува МИА.

Богоевски рече дека пристапот до куќата бил многу тежок и дека едно од противпожарните возила се излизгало од патот.

Упати апел за внимателност, особено вечерва кога ќе се палат коледарски огнови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.