ЕЛЕМ и МЕПСО ќе дадат заем за ноемвриската плата во МЖ Транспорт

Обезбедени се пари за исплата на ноемвриската плата во МЖ Транспорт ад Скопје, откако на седницата на Владата вечерва се прифатени одлуките за заем на железничкото претпријатие од ЕЛЕМ и МЕПСО.

Според соопштението од владината прес-служба, на седницата Владата ја прифатила одлуката од УО на АД за производство на електрична енергија Електрани на Македонија во државна сопственост, со која се одобрува барањето за заем доставено од Македонски железници Транспорт АД Скопје.

На седницата министрите во Владата ја прифатиле и одлуката на УО на АД МЕПСО Скопје во државна сопственост, со која е одобрено барањето за заем од Македонски железници Транспорт АД Скопје.

– Со овие две одлуки, одобрени од страна на Владата на РМ, за Македонски железници Транспорт АД Скопје, се обезбедени финансиски средства за исплата на ноемвриската плата на ова акционерско друштво, се вели во соопштението.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.