Роналдињо ќе се кандидира за сенатор во Бразил

Еден од најдобрите фудбалери на сите времиња, Роналдињо, ќе се бори да влезе во Сенатот во Бразил, следната година.

Тој ќе биде дел од партијата „Патриота“ и ќе ја претставува државата Минас Гераис. Сепак неговата кандидатура не е сигурна и ќе зависи од победата на лидерот на партијата, Жаир Болсонаро во претседателската трка.

Болсонаро се смета за контроверзна личност, поради своите ставови за истополовите бракови, смртната казна и воената политика, а себе си се има споредено со претседателот на САД, Доналд Трамп.

Некогашниот репрезентативец на Бразил и фудбалер во Барселона и Милан, има освоено бројни трофеи и е добитник на Златната топка. Својата фудбалска кариера ја заврши во 2015-та година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.