И денеска ВМРО-ДПМНЕ ќе блокира крстосници и ќе одржи собир пред Правда

Хунтата ги гази основните човекови права. Власта во монтиран случај обвинува десетици македонски патриоти за измислено дело тероризам. Монтираниот политички прогон има за цел да влее страв кај секој еден македонец кој си ја сака сопствената држава, се наведува во соопштението на ВМРО-ДПМНЕ.

Од партијата додаваат дека хунтата монтира случаи по примерот на бившиот комунистички режим, без никакви докази и со целосно конструирани тези.

-Невини луѓе лежат во притвор само затоа што си ја сакале државата, а вистински криминалци, се амнестираат, се пуштаат на слобода и им се повторуваат постапките, и сето тоа под палката на партиското судство. Судството како и останатите институции е целосно заробено од хунтата. Судовите не одлучуваат по закон, туку по волјата на Зоран Заев. Судството и останатите институции на државата се киднапирани од хунтата со цел преку нив да се втерува страв кај народот, за истиот да се држи исплашен. Република Македонија е демократска држава. ВМРО-ДПМНЕ нема да дозволи газење на правната држава, која е основен симбол на секоја демократска држава и право на граѓаните. Граѓаните во ослободена Република Македонија, граѓаните ќе живеат во држава во која владее правото, а не насилието и безредието, се наведува во партиското соопштение.

Од ВМРО-ДПМНЕ додаваат дека остануваат на улиците се додека хунтата ги гази законите и се изживува со граѓаните. Демократијата и правната држава ќе бидат вратени.

ВМРО-ДПМНЕ бара:

1. Безусловно запирање на сите овие процеси на политичкиот прогон.
2. Итно и безусловно стопирање на малтретирањата, на теророт и изживувањето кое го прави СДС.
3. Итно пуштање на слобода на сите лица кои се опфатени со овој класичен политички прогон.

ВМРО-ДПМНЕ денес ќе изврши блокирање на следните крстосници во период од 15 – 17 часот:

– Крстосницата кај Мавровка;

– Крстосницата помеѓу улиците „Васил Чакаларов“ и „Ангел Динев“ во Карпош;

– Крстосницата кај „Рампа“ во населбата Кисела Вода.

ВМРО-ДПМНЕ, денес во 18 часот, ќе организира и протест пред Министерството за правда, на улицата „Димитрија Чуповски“, каде ќе има повеќе обраќања пред присутните.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.