Деветнаесет пиштоли и девет пушки украдени од продавница за ловна опрема

Непознат сторител успеал да украде деветнаесет пиштоли и девет ловни пушки од продавница за ловна опрема и пиротехнички материјали лоцирана во Градскиот трговски центар во Скопје.
Како што информираат од МВР, вчера било пријавено дека во временски период од 07-ми до 09-ти овој месец од продавницата биле украдени 19 пиштоли марка „глок“, „берета“, „хеклер и кох“ и девет ловни пушки марка „берета“, „фабарм“ и „моеберг“ и „диана класик“ (воздушна пушка).

Крадецот преку ова злосторство се стекнал со противправна имотна корист од околу 1.600.000 денари.

Полицијата извршила увид на местото на настанот и превзема мерки за целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.