Ова денеска не би требало да го имате на трпезата, а нема врска со постот – го славиме Свети Алимпиј

Денеска е Св. Алимпиј Столпник

Овој чудесен Алимпиј се роди во Хадријанополис, во Пафлагонија. Првин беше ѓакон во катедралната црква на градот, а подоцна се повлече и се настани на некои елински гробишта, што се наоѓаа надвор од градот. Таму изгради црква, а до црквата висок столб, па се искачи на стобот и таму помина 53 години во пост и молитва. Овој чудесен столпник му стана така светилник на светот. Подоцна, од двете страни на столбот се формираа два манастира, еден женски и еден машки, со кои управуваше свети Алимпиј. Се упокои, или поточно речено, премина во вечниот живот во 640 година, на 100-годишна возраст.

Според верувањата, Свети Алимпиј бил заштитник на животните. Според верувањата на овој ден не треба да се јаде говедско месо, па на трпезата не би требало да има ниту кравјо, говедско или јунешко месо.

Како и на сите други големи православни празници и на овој не би требало да се работат тешки работи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.