Антиќ со тројка во последните секунди и донесе победа на Црвена Звезда против Реал

Поранешниот репрезентативец на Македонија, Перо Антиќ ја потврди неверојатната победа на Црвена Звезда над Реал Мадрид во Евролигата, откако постигна тројка на 7.7 секунди пред крајот и донесе победа со 87:83 во Шпанија.

Српскиот тим направи големо изненадување откако победи еден од претенденти на турнирот и го подобри својот баланс на 3-7. Во меѓувреме, „белите“ го влошија својот скор на 5-5 и паднаа на 7 место на табелата.

Во „WiZink Center“ никој не очекуваше слична разрешница, но гостите од Белград покажаа неверојатен карактер. Тие водеа со 60:47 во третиот дел и иако беа стигнати, на крајот успеаа да ја задржат победата и да запишат триумф.

Антиќ заврши со 11 поени за успехот, Тајлер Рочести помогна со 18, а Милко Бјелица постигна 16 за победниците. За Реал, Лука Дончиќ имаше 20 поени, но тоа не беше доволно.

Интересно е што во овој круг петте шпански тимови изгубија. Басконија и Валенсија, исто така, отстапија дома против Фенербахче и Олимпијакос, додека Барселона и Уникаха се вратија со пораз од нивните посети кај ЦСКА и Панатинаикос.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.